發牙痕篇之(二) 激光中論劍 ─ so "yeah", yet so "leung"

想不到在下微服出巡，北上收o靚只不過短短兩日，笑俠Edwin竟然膽敢走嚟踢館，仲出埋「萬佛朝宗」去得咁盡，殺了我一個措手不及，真係"可怒也"(注音：kor lau yeh)!

師兄霎時一Rap，威力無邊，泛泛之輩還以為笑俠煉「牙癢功」煉到走火入魔，但依在下愚見，師兄似乎已由「發牙痕」進昇至「發噏瘋」的更高境界，看來武林從此多事......

在下中Rap之際，腦部神經受到強烈震盪，頓時產生幻覺，腦海中竟然出現Hip Hop mix & match Law記「激光中Yeah版」之形相, 堪稱fusion中之霸。無厘頭得嚟好Yeah，Yeah得嚟有啲哴，哴得嚟又夠激，激得嚟仲幾騎哩。嗰種feel的確好攞膽，令到在下亦禁不住抬頭遠望天際，在心中暗嘆了一句：「這麼out，那麼in!」(英文即是"so out, yet so in") 果真天外有天，人外有人!

雖則古語有云：「冤冤相報何時了？」但人在江湖，身不由己，在下唯有見招拆招，跟師兄切磋切磋，以Rap還Rap，點到即止。笑俠看招!

(註：以下招式必須要有敲擊樂襯底以「扑扑齋」形式讀出, 而music嗰part要以強勁鼻音唱出, 方為啱feel。最能把功力發揮得淋漓盡致的當然是敲木魚啦，但假如各下屋企無啲咁哴嘅"騎哩騷"，可以用筷子敲碗碟都OK架，不過那些甚麼tabla、非洲鼓云云則可以柄埋，以免跟整套招式相衝，撞到bang bang聲，多謝合作!)


《激光中論劍》

Rap:
師兄你中招發牙痕， 仲響埋朵叫「愛得瘟」
睇你平時文質彬彬， 原來Rap起上嚟咁沙塵

在下並無特異功能， 亦無自命高人一等
師兄你小心殺錯良民， 搞到我頭都痕 Yeah~

唱:
將本秘笈交給我， 我要為你唱拜讚歌
施展阿媽教的招數， 在霎哈嘉中穿梭(就似師兄玩Hip Hop)
霎時Rap支歌(霎時口水多)， 膽我來攞(不顧後果)

Rap:
你一輪咀咁出口成文， 突然令我諗起羅文
皆因同「激光中」嗰隻feel好相近， Hip Hop+打油詩仲押埋韻

師兄玩fusion真過癮， 騎哩程度攞滿分
搞到我三脈七輪都失去平衡， 吔飯都差啲哽親 Yeah~

唱：
Rap聲似激光奔放， 發作又要繼續唱歌
Cool breeze我feel到心花放， 在霎哈嘉的各方
唱住呢支歌， 搖擺搖盪

唔該Rap埋佢：
雖則你Rap完我都唔知你噏乜
不過都多得你嘅entertainment
娛樂咗我半個時辰
接招啦師兄，V吰吰~V吰吰~