咬文嚼字(五)

自從本大俠正式進升為師奶級後，都有好一段日子冇主持「咬文嚼字」呢個節目嘞。

大家有冇諗過，點解結咗婚嘅女士會叫做「師奶」架呢？根據「俗語趣談」，賜官將此詞解釋為少奶的音轉 。但一講到「師奶」，相信大家都會不其然咁出咗：「一個電晒髮、水桶身型、一身深圳A貨look之中年婦人，攞住幾抽餸喺街市同菜檔老板講價」呢個picture。咁「師奶」一詞是褒是貶，則見仁見智。不過 ， 據說幾十年前有個所謂貴婦咁嘅物體，被一名小販稱為「師奶」後嬲到出晒煙、五官移晒位，甚至告上法庭，認為「師奶」呢個稱呼有辱佢尊貴身分咁話喎。 依在下愚見，其小題大做之舉才是真正有失身份。不過，由此可見，「師奶」呢兩個字嘅威力實在非同小可，而師奶呢類物體，大家亦絕對不容忽視。

既然「師奶」源於「少奶」一詞，咁大家以後都可以稱本大俠為少奶，仲要係大嗰隻添，即係eb大少奶，你話架勢唔架勢呢!


盧David: 嘩! 大隻碗，大隻碟，搏命猛擦!
吳孟達: 印印腳! 洗靚碗碟有好方法!
盧海鵬: AXE洗潔精潔力夠強!
合唱: 餸菜漬有AXE 即刻清哂! AXE泡沫多香噴噴呢! 咁靚嘅優質產品認真good呢! 斧頭牌good哂!
(大家仲記唔記得廣告中嘅巨型碗碟呢？你可以click入YouTube度重溫呢個咁經典嘅AXE 洗潔精廣告架，包補你睇完嗌encore!)

想當年盧David、吳孟達、盧海鵬風靡萬千師奶，大家屋企肯定都曾經擁有過AXE。好嘞，跟住落嚟當然唔少得我地嘅IQ題環節啦。今集問題係同所有師奶息息相關嘅：一間百貨公司正進行一折大減價，一貪小便宜之師奶以9秒9極速衝咗入去，買完好多嘢之後就瓜咗。究竟佢係點死架呢？識答嘅師奶或non-師奶請於本blog留言啦，不過答中冇獎，多謝各位。(答案將於本星期內揭曉)